EMRAT- FOTO/ Arrestimi i ish-kryeinspektorit të IVMT ne Elbasan, policia: Lejoi ndërtimin pa leje në llixha

Mbrëmjen e djeshme është realizuar një Aksion nga policia Elbasanit ku janë shoqëruar 5 punonjës të IKM. Sipas burimeve është konfirmuar arrestimi për dy punonjës përkatësisht për ish kryeinspektorit të IKM dhe një inspektor.

Sipas burimeve arrestimi erdhi pasi të dy personat kanë dhënë leje ndërtimi për një objekt në një zonë që nuk lejohet ndërtimi.

Burimet policore shpjegojnë se, janë arrestuar në flagrancë shtetasit:

Mario Qosja( ish Kryeinspektor  në Inspektoriatin Vendor të Mbrojtjes së Territorit në Bashkin Elbasan), për veprën penale "Shpërdorim detyre".

Ndricim Kuqja "Ndërtim i paligjshëm ".

Është proceduar në gjendje të lirë shtetasi. 

A.Z. ( inspektor në Inspektoriatin Vendor të Mbrojtjes së Territorit në Bashkin Elbasan) , për veprën penale "Shpërdorim detyre".

Policia e Elbasanit ka reaguar zyrtarisht në lidhje me arrestimin e ish-kryeinspektorit të Inspektoratit Vendor të Mbrojtjes së Territorit, i cili akuzohet për shpërdorim detyre. Në kuadër të operacionit të koduar “Llixha” në pranga ka rënë ish-kryeinspektori M.Qosja, banues në Elbasan, dhe shtetasi me inicialet N. K., 50 vjeç, banues në Elbasan, i cili ndërtonte pa leje një objekt prej 1200 metër katror në zonën e llixhave.

Gjithashtu u procedua penalisht shtetasi me inicialet A. Z., 34 vjeç, banues në Elbasan, me detyrë inspektor në Inspektoratin Vendor të Mbrojtjes të Territorit, bashkia Elbasan.

Nga hetimet e kryera nga specialistët e Seksionit për Hetimin e Krimit Ekonomik–Financiar në DVP Elbasan, në lidhje me një ndërtim pa leje në sipërfaqe të madhe ndërtimore në zonën e llixhave, Njësia Administrative Tregan, Elbasan, është dyshuar për korrupsion nga punonjësit e institucioneve shtetërore, kryesisht të Inspektorateve të Mbrojtjes së Territorit që mbulojnë qarkun Elbasan.
Në vijim të veprimeve hetimore në lidhje me këtë rast ka rezultuar se në muajin janar dhe shkurt 2021 të jetë bërë ndërtim pa leje me sipërfaqe 1200 m katror, në dy kate, nga shtetasi N. K., në vendin e quajtur “Llixha”, dhe në vijim të jetë aplikuar për legalizim tek AKSH.

Po nga hetimet dyshohet se me veprimet apo mosveprimet e tyre, Mark Qosja dhe A. Z., të kenë favorizuar këtë shtetas për të kryer ndërtimin pa leje. Vijon puna për dokumentimin e plotë ligjor të këtij rasti. Materialet i kalojnë për veprime të mëtejshme Prokurorisë së Rrethit Gjyqësor Elbasan, për veprat penale “Shpërdorimi i detyrës” dhe “Ndërtim i paligjshëm”.