Mjaftoi një fjalë e Adele dhe shikoni çfarë bën Spotify për të...

‘Spotify’ ka hequr butonin e riorganizimit nga faqet e albumit pasi Adele komentoi se këngët ishin vendosur në mënyrë të tillë që supozohej të “tregonin një histori’”.

Këngëtarja falenderoi shërbimin e transmetimit pasi e bëri më pak të thjeshtë që përdoruesit të dëgjonin këngët e albumit të saj të ri, “30”, në mënyrë të rastësishme.

Ajo shkroi në “Twitter”:

“Në nuk krijojmë albume me kaq shumë kujdes dhe mendim në listën tonë të këngëve pa asnjë arsye. Arti ynë tregon një histori dhe historitë tona duhet të dëgjohen siç kemi menduar. Faleminderit ‘Spotify’ për dëgjimin”.

‘Spotify’ u përgjigj: “Çdo gjë për ty”.

Opsioni i riorganizimit, i treguar nga dy shigjeta të kryqëzuara, u hoq nga butoni i luajtjes së albumit, por është ende i disponueshëm kur një përdorues klikon për të parë pjesët e albumit.

Adele bëri rikthimin e saj të madh me këngën ‘Easy On Me’, kënga e saj e parë e re në gjashtë vjet, e cila është nr. 1 në Mbretërinë e Bashkuar, sipas ‘Official Charts Company’.

Ajo u bë kënga më e transmetuar brenda një dite e pajisjen Alexa të ‘Spotify’ dhe ‘Amazon’ kur u publikua më 15 tetor.

Këngët e tjera nga albumi, duke përfshirë ‘My Little Love’, ‘Oh My God’, ‘I Drink Wine and Hold On’, janë lavdëruar nga fansat dhe kritikët për ndjenjën e tyre të cënueshmërisë dhe tingullin e modës së vjetër që kujton epokën e artë të Hollivudit.

Albumi i saj, “30” u publikua të premten dhe është albumi i saj i katërt në studio, për të cilin thuhet se ishte duke punuar që nga viti 2018.

Sipas ‘Spotify’, albumi grumbulloi 60.7 milion transmetime globalisht në ditën e parë që u vu në dispozicion, duke e bërë atë një nga albumet më të transmetuar në publikimin e tij.

Rekordi është 90.8 m, i vendosur ng Taylor Swift vetëm një javë më parë.