Basha mesazh ngushëllimi për ndarjen nga jeta të doktor Shahin Kadare

Kreu i PD Lulzim Basha, me anë të një mesazhi në Tëitter ka shprehur ngushëllime për ndarjen nga jeta të doktor Shahin Kadaresë.

Basha thekson se Kadare, përveç se një mjek me kontribute të pashlyera në fushën e tij, do të mbetet në memorien e Shqipërisë si pjesë e atyre intelektualëve guximtarë që në dhjetor të vitit 1990 ndryshuan historinë e vendit

Postimi i kreut demokrat Lulzim Basha:

Me hidhërim të madh mësova lajmin e ndarjes nga jeta të doktor Shahin Kadaresë. Përveç se një mjek me kontribute të pashlyera në fushën e tij, doktor Shahini do të mbetet në memorien e Shqipërisë si pjesë e atyre intelektualëve guximtarë që në Dhjetor të vitit 1990 ndryshuan historinë e vendit.

Edhe më ai pas nuk rreshti së qenuri një mendje e ndritur kritike, antikonformist, dhe një profesionist I shkëlqyer në fushën e mjekësisë, duke nderuar emrin e madh të familjes së tij. Identiteti intelektual i Shahin Kadarese është garancia që shoqëria jonë do të ketë fuqi të  nxjerrë gjithmonë garantë të vlerave politike, njerëzore, dhe profesionale. I përjetshëm qoftë kujtimi i tij.