Ye West flet për Kim Kardashian: Ajo është ende gruaja ime
Pas disa daljeve publike ku Ye West befasoi me pamjen e tij fizike – frizurën dhe vetullat e rruara, gjatë një paraqitje si mysafir në podcast Drink Champs ai sërish tërhoqi vëmendjen duke thënë se Kim Kardashian është ende gruaja e tij pavarësisht divorcit.
Kanye West, tani i njohur si Ye, do të shfaqet në një episod të ardhshëm të podcast-it Drink Champs, dhe pjesë nga intervistat e publikuara në rrjetet sociale tregojnë se reperi flet për ish-partneren e tij Kim Kardashian.Në video, Kanye thotë se është ende e martuar me një yll dhe e quan atë "gruaja e tij".
Në një moment ai thotë: "Ajo është ende gruaja ime, pa dokumente".
Në një video tjetër, West flet për atë që ndodhi me Taylor Swift pasi West ndërpreu fjalimin e saj në çmimet MMA.
Ai foli edhe për pasurinë e tij dhe bisedën tashmë famëkeqe në grup me reperin Drake.
Ndërkohë, Kardashian përflitet se është në një lidhje me Pete Davidson pasi së fundmi çifti u pa të kapur për dore në një park argëtimi pas paraqitjes së tyre të përbashkët në emisionin Saturday Night Live.Davidson dhe Kardashian u shoqëruan në park nga Kourtney Kardashian dhe i fejuari i saj, bateristi i Blink-182, Travis Barker, në festën e Halloween.
Teksa shfaqeshin në Saturday Night Live, Kardashian dhe Davidson u puthën në një skeç “qesharak” që befasoi shikuesit. Ishte debutimi i yllit të realitetit si prezantues i SNL.
Kardashian paraqiti kërkesën për divorc nga West në fillim të këtij viti, dhe çifti është martuar për shtatë vjet dhe kanë katër fëmijë.
Davidson u takua shkurtimisht me yllin e Bridgerton, Phoebe Dynevor në fillim të këtij viti, pas ndarjes me modelen Kaia Gerber.