Rama: Opozita për ne është PD-ja, kryetar i saj Lulzim Basha

Kryeministri Edi Rama u ka kthyer përgjigje të gjithë atyre që akuzën e Lulzim Bashës për ‘Trekëndëshin e Bermudës’ thanë se është një goditje për Ilir Metën dhe Sali Berishën.

Në intervistën për Report Tv, Rama tha se Basha nuk e përjashtoi, por megjithatë shtoi se ai është sërish i gatshëm për bashkëpunim pa asnjë kusht.

Pyetje: ‘Trekëndëshin e Bermudës’ një shenjë që Basha u distancua nga Meta dhe Berisha…

Rama: Unë e kam thënë që në fillim të këtij sezoni politik, të mandatit të tretë që jemi të gatshëm që të bashkëpunojmë me opozitën, te të gjitha çështjet pa asnjë paragjykim, jemi gati të bashkëpunojmë.

Pyetje: Është sot Basha një lider me karater, ju e keni quajtur më parë pa karakter….

Rama: Karakteri nuk është sëmundje ngjitëse, kështu çështja karakterit është e lidhur me shumë gjëra dhe nuk caktohet nga një veprim apo nga një tjetër.

Pyetje: Basha plotësoi kushtet që u distancua nga Berisha dhe Meta, mos bëheni dhe ju si BE-ja…

Rama: Ju harroni që Basha u distancua edhe nga unë.

Pyetje: Të gjithë e dinë që goditja më e madhe ishte për Berishën dhe Metën?

Rama: Jo unë nuk e di këtë, unë di atë që tha ai…

Pyetje: Nuk besoj se e merrni seriozisht…

Rama: Unë nuk marr asgjë seriozisht nga ato që thotë Lulzim Basha, përtej emrit, për cfarë mendoj unë për karakterin e lidershipit të tij, opozita në parlament është PD dhe kryetar i saj është Lulzim Basha dhe liderin e opozitës që ke përballë e zgjedhin të tjerët, detyra imë është që të mbajmë të shtrirë dorën e bashkëpunimit, përtej asaj që mendojmë për njëri tjetrin.

Pyetje: Mund të na e sqaroni njëherë e mirë termin e bashkëqeverisjes, çfarë është ajo që keni dashur të thoni? Ju i keni votat nuk keni asnjë votë për deputetët e Lulzim Bashës…

Rama: Unë jam i gatshëm që të diskutoj pa asnjë kufizim, por nuk i kam vënë një herë. Shumica dhe pakica kanë hapësira shumë të mëdha bashkëpunimi kur kanë në funksion interesat e vendit.