Atentati në Fier, ndërron jetë në spital 57-vjeçari i plagosur
57-vjeçari i plagosur mbrëmjen e sotme në atentatin me breshëri kallashnikovi në qytetin e Fierit, ka ndërruar jetë në spital.
Shënjestra e atentatit biznesmeni Demir Backa nuk ka mundur t'u mbijetojë plagëve të marra.
Ai u qëllua nga persona të paidentifikuar brenda në automjetin e tij "Audi" teksa po parkonte përpara ish-QTU.
Policia është vënë në ndjekje të autorëve, ndërkohë që nuk dihen ende motivet e kësaj ngjarje.
Besohet se autorët kanë qenë dy persona, të cilët kanë hapur zjarr nga një automjet dhe janë larguar menjëherë.