Tifozët hungarezë sërish protagonistë: një i arrestuar nga përplasja me policinë në Wembley
Tifozët e kombëtares hungareze të futbollit shkaktuan trazira mbrëmjen e djeshme në ndeshjen kundër Anglisë në Wembley.
Sjellja e hungarezëve vazhdon të jetë një problem i madh për UEFA dhe FIFA vitet e fundit. Mbështetësit e kësaj kombëtareje janë nën pezullim, kështu që stadiumi në Budapest mbetet bosh deri në një njoftim tjetër, por ky nuk është problem në transfertë.
Rreth 1 mijë hungarez kishin udhëtuar për në Angli në mbështetje të kombëtares së tyre.
Mirëpo, edhe këtë herë ata shkaktuan trazira.
WC Qualification. 12.10.2021
— HooligansTV (@HooligansTV_eu) October 12, 2021
England - Hungary.
Hungarian and Polish fans vs. police. pic.twitter.com/6kyOoc4x5A
Mbrëmë, në Wembley, u shfaqën tensionet e para ndërsa lojtarët anglezë u gjunjëzuan në fillimin e ndeshjes.Më pas provokuan një reagim të policisë për shkak të britmave të ndryshme.
Pasi reagoi policia, hungarezët u përgjigjën dhe pati një konflikt.
"Forcat e policisë iu afruan tribunës për të arrestuar tifozin mik për shkelje raciste dhe për fjalët që i tha rojeve. Ndërsa policia u përpoq ta ndante nga turma, lindi një konflikt," tha policia e Londrës në një deklaratë.
Disa media angleze deklarojnë se rojet ishin objekt sulmi nga hungarezët dhe se gjithsej 20 prej tyre kaluan nëpër ferr të vërtetë pasi u sulmuan nga tifozeria mike. Mes të plagosurve është edhe një tifoz i ekipit mik, fytyra e të cilit ishte plotësisht e përgjakur. Nga ana tjetër, në mesin e punonjësve të policisë, kishte të lënduar. Një anëtar u rrëzua, por gjithashtu u shpëtua nga reagimi i shpejt kolegëve të tij dhe u transferua në vend të sigurt.