Ja sa herë Aguero refuzoi transferimin te Juventusi

Sergio Aguero refuzoi një lëvizje te Juventusi dy herë verën e fundit pasi donte të ribashkohej me Lionel Messin te Barcelona.

Sulmuesi argjentinas iu bashkua katalanasve si lojtar i lirë pas skadimit të kontratës së tij me Manchester Cityn.

Sipas një raporti të Sport.es, Aguero refuzoi dy oferta nga Juventusi para se të nënshkruante me Barcelonën.

Zonja e Vjetër i bëri një ‘propozim të rëndësishëm’ sulmuesit argjentinas i cili refuzoi shansin për të veshur fanellën bardhezi për t’u transferuar në Barcelonë, ku duhej të luante me bashkatdhetarin e tij Leo Messi.

Sidoqoftë, Messi nuk arriti të nënshkruajë një zgjatje të kontratës me gjigantët e La Liga, duke përfunduar një transferim falas në Paris Saint-Germain.

Juventusi shiti Cristiano Ronaldon në verë dhe nënshkroi me Moise Kean në huazim me një detyrim blerje nga Evertoni në ditën e fundit.