VIDEO/ Si sot 20 vite më parë, Beckham përlotet teksa dëgjon komentin e golit ikonik kundër Greqisë
Futbollisti legjendar anglez David Beckham ndau një postim emocional në Instagram, teksa dëgjonte për herë të parë komentin e golit ikonik nga goditja e dënimit kundër Greqisë, që e çoi Anglinë në Kupën e Botës 2002 si sot 20 vite më parë.
Beckham vështirë se mund të mbante lotët, teksa dëgjonte reagimin e komentuesin dhe ulërimën nga tribunat e Old Trafford.
Goli i Bekhamit konsiderohet ende si një nga golat më të rëndësishëm në karrierën e tij, sepse ishte goli që e çoi ekipin e tij në Kupën e Botës në Japoni dhe Korenë e Jugut.
Anglia i nisi keq kualifikueset, teksa ndryshoi tre trajnerë dhe Sven-Goran Eriksson arriti të marrë pesë fitore radhazi (përfshirë triumfin në Mynih kundër Gjermanisë me rezultatin 1: 5), dhe në ndeshjen e fundit në Old Trafford mirëpritën Greqia.
Gjermania barazoi 0: 0 me Finlandën në Gelsenkirchen, që do të thoshte se një barazim ishte e mjaftueshme për anglezët që të kualifikoheshin në Kupën e Botës. Dukej se do të ishte e lehtë për kombëtaren e Eriksson të kualifikoheshin, por deri në minutën e 90’ rezultati ishte 2: 1 për Greqinë.
Anglia fitoi një goditje dënimi në minutën e 93 -të afërsisht 25 metra nga porta e Greqisë. Beckham, i cili kishte vrapuar 16 kilometra në atë ndeshje, ngriti topin dhe dërgoi një "predhë" drejtë e në rrjetën e të pafuqishmit Antonios Nikopolis.
Ishte goli i rëndësishëm i kapitenit për të shpaguar kombin për marrëzinë që bëri në ndeshjen kundër Argjentinës në raundin e 1/16 -të të Kupës së Botës 1998.
Pas një dueli me Diego Simeone në minutën e 47 -të të ndeshjes, Beckham mbeti i shtrirë në bar, goditi argjentinasin gjë që ndëshkua me karton të kuq nga gjyqtari Nielsen nga Danimarka. Anglia u largua pas penalltive dhe publiku "drejtoi gishtin" nga Beckham. Beckham po mbushte faqet e gazetave dhe nuk ishte i preferuari i publikut anglez.
Më pas erdhi momenti që i siguroi Beckham statusin e një legjende në mesin e tifozëve të Anglisë. Goli kundër Greqisë do të mbahet mend gjithmonë në Ishull, dhe aq më tepër pasi u shënua në Old Trafford e Beckham.
Krahas videos së postuar në Instagram, Beckham shkroi: “Njëzet vjet më parë… Sot është hera e parë që e dëgjoj këtë koment… Sa krenari të përfaqësoja vendin tim, të bëja kapitenin e vendit tim, të shënoja një gol të tillë për tifozët dhe t’i bëja të gjitha të lumtur në ‘Old Trafford’.