Simpsons prezanton koleksionin Balenciaga në Javën e Modës në Paris

Vizitorët në shfaqjen e shumëpritur në Javën e Modës në Paris dje panë një episod dhjetë minutësh të serialit të animuar "The Simpsons" në të cilin Homer, Marge, Bart, Lisa dhe Maggie Simpson prezantuan koleksionin e Balenciaga.

Personazhet bënë shaka për reputacionin e shtëpisë së modës të përmendur për shkak të modelit të pazakontë dhe çmimeve shumë të shtrenjta të pjesëve të veshjeve. 

Marge u mbërthye teksa kalonte nëpër derë sepse rripat e fustanit që ajo kishte veshur ishin shumë të mëdha dhe Homeri gati sa nuk i ra të fikët kur pa që veshja kushtonte sa 19,000 dollarë.

Homeri ecte në pistë i veshur me syze dielli dhe një xhaketë me logon Balenciaga. Bart hipi në një skateboard i veshur me një bluzë të bardhë, xhinse dhe çizme lëkure. 

Lisa dhe Megi mbanin veshje të kuqe që përhapeshin në fund.

Personazhe të tjerë nga serialet e njohura u shfaqën gjithashtu në episod: Patty dhe Selma Bouvier, Smithers dhe Wiggum. 

Pronari i pijetores Moe Szyslak gjithashtu "shkëlqeu" në xhaketën dhe çizmet e Balenciaga.

Marge "vodhi shfaqjen" me një fustan të artë me një hark në shpinë, dhe u duartrokit nga Kim Kardashian, Kanye West, Justin Bieber dhe të famshëm të tjerë.

The Simpsons just walked in Balenciaga fashion show (thread) pic.twitter.com/4rzGWR6gRj

— ideservecouture (@ideservecouture) October 2, 2021