VIDEO/ Shpërthimi i vullkanit në ishujt Kanarie, frikë nga gazi toksik, llava arrin në oqean
Llava e vullkanit, e cila hyri në një fazë shpërthyese dhjetë ditë më parë në ishullin La Palma, në arkipelagun spanjoll të Ishujve Kanarie, arriti në oqean natën e së martës (28 shtator), një fenomen që shqetëson ekspertët, të cilët shpjegojnë se mund të jetë e rrezikshme.
Zhvillimi u njoftua menjëherë pas orës 23:00 nga Instituti i Vullkanologjisë në Kanarie (INVOLCAN). "Rrjedha e llavës arriti në det në Playa Nueva, "shpjegoi INVOLCAN përmes Tëitter-it.
Pamjet e transmetuara nga një rrjet televiziv rajonal në Ishujt Kanarie, tregojnë llavën e ndezur që hyn në ujë, ndërsa një sasi e madhe avulli ngrihet lart.
Vullkani Kubre Vieha, ka hyrë në një fazë shpërthyes më 19 shtator.
Përzierja e llavës, shkëmbit të shkrirë dhe materialeve të tjera me një temperaturë prej 1.000 e më shumë gradë Celsius me ujin e detit, i cili ka një temperaturë prej 20-25 ° C, ngre shqetësime , sepse ka të ngjarë të lëshojë gazra toksikë dhe mikro-grimca të dëmshme të rrezikshme për njeriun.
Lava from an erupting volcano in the Canary Islands has reached the ocean, volcanologists say, raising fear of toxic gases being released as the lava hits the sea waterhttps://t.co/wGb12R3ATE pic.twitter.com/aj96cqyWek
Të hënën, banorëve të disa lagjeve në Tatakorte, një fshat pranë bregdetit, iu dha urdhër të mbyllen brenda shtëpive për t'u mbrojtur nga gazrat e mundshëm toksikë.
Shpërthimi i vullkanit nuk shkaktoi vdekje apo plagosje, megjithatë 6,000 njerëzve u evakuuan nga shtëpitë e tyre.
Ekspertët presin që faza e aktivitetit shpërthyes të zgjasë edhe disa javë, madje edhe muaj.