Jep dorëheqjen drejtori i ‘Shefqet Ndroqit’, ja kush komandohet në postin e tij

Ka dhënë dorëheqjen nga detyra drejtori i spitalit “Shefqet Ndroqi”, i cili shërbeu si spital i trajtimit të pacientëve me koronavirus për më shumë se një vit.

Mësohet se ditën e sotme është miratuar dorëheqja e drejtorit Perlat Kapisyzi. Ndërkohë, në vend të tij është komanduar drejtoreshë mjekja Silvana Bala.

Nuk dihen ende arsyet e dorëheqjes së Kapisyzit, por kujtojmë se vendi u përball për shumë muaj me një situatë dramatike nga koronavirusi, ku u regjistruan me mijëra viktima, ndërsa prej javësh kemi sërish një përkeqësim të situatës.