Ja disa njerëz të famshëm, që mposhtën varfërinë dhe u bënë milionerë

Pas parave dhe famës, ka histori që ndjekin disa nga njerëzit më të famshëm të planetit. Uria, vështirësitë, problemet financiare bënë që disa prej tyre të ishin madje në prag të varfërisë dhe mjerimit pasi jetonin në rrugë. Por ata nuk u dorëzuan. Shihni të famshmit që e filluan nga e para.

Selena Gomez

Gomez kishte një fëmijëri të vështirë pasi nëna e saj e solli në jetë kur ishte vetëm 16 vjeç. Asaj iu desh ta rriste e vetme duke u përballur me vështirësi të mëdha financiare.

Jim Carrey

Carrey vjen nga një familje shumë e varfër. Ai u detyrua të braktisë shkollën e mesme dhe të jetojë me prindërit dhe motrën në një furgon të vogël me të cilin ata po kërkonin ndonjë punë të përkohshme.

JK Rowling

Para se të lindte Harry Potter, shkrimtarja ishte një nënë e pamartuar që përpiqej të paguante qiranë e saj. Ajo u përball me depresionin dhe shumë pengesa të tjera para se të bëhej një nga shkrimtaret më të suksesshme në historinë e letërsisë.

Mila Kunis

Kur ajo mbërriti në Shtetet e Bashkuara me familjen e saj pas Bashkimit Sovjetik, varfëria ishte aq e madhe sa ajo hëngri supë me ketchup për të tejkaluar urinë e tyre.

Ed Sheeran

Tani është një nga emrat më të mëdhenj në muzikë. Por fillimi i karrierës së tij nuk ishte shumë i lehtë, pasi Sheeran flinte në stacionet e metrosë në Londër, duke kënduar në rrugë për të siguruar jetesën.

Hilary Swank

Në moshën 15 vjeç, Hilary Swank dhe nëna e saj u transferuan nga Uashingtoni në Los Anxhelos që aktorja të provonte fatin e saj në Hollivud. Vështirësitë financiare ishin të mëdha dhe ata jetuan në makinën e tyre për rreth 2 muaj, derisa një mik i familjes i mori në shtëpi.