FOTO + VIDEO/ Dëmtimi i tmerrshëm i Demiral, mbrojtësi turk pëson çarje të rëndë në vetull
Salernitana dhe Atalanta u përballën mes tyre në ndeshjen e javës së 5 -të të Serie A.
Atalanta fitoi ndeshjen e luajtur në stadiumin Arechi 1-0 dhe arriti të largohet me tre pikë.
Ndërsa pjesa e parë e ndeshjes përfundoi pa gola, në të dytën zikaltërit e Gasperinit rritën presionin e tyre për të shënuar. Kur ndeshja tregonte minutën e 75’, Duvan Zapata dërgoi topin në rrjetë me ndihmën e Ilicic dhe arriti të arrijë fitoren.
Futbollisti turk Merih Demiral, i cili e nisi ndeshjen si titullar, qëndroi në fushë për Atalantën për vetëm 45 minuta.
Mbrojtësi 23 vjeçar pësoi një dëmtim të rëndë pas një dyluftimi me Duric. Ky i fundit godit me bërryl futbollistin turk, duke i shkaktuar një plagë të madhe në vetull.
Demiral nuk ishte i “lumtur” me kartonin e verdhë të gjyqtarit ndaj Duric, dhe shkoi të protestonte tek ai, duke i treguar gjakun që i kishte mbuluar të gjithë fytyrën. Mirëpo, arbitri nuk ishte dakord me protestën e turkut dhe e ndëshkoi me karton të verdhë.
Pas sfidës, Demiral postoi një foto në rrejtet sociale, të cilën e shoqëronte me mbishkrimin: "Kam marrë një të verdhë pas kësaj ..."
Demiral u zëvnedësua në pjesën e dytë, duke i lënë vendin mbrojtësit shqiptar Berat Gjimishiti.
Torino-Atalanta maçında kanamalar içinde kalan Merih Demiral'in üstüne birde sarı kart gördüğü pozisyon 😐@Atalanta_BC @Merihdemiral #SerieA #MerihDemiral pic.twitter.com/gq5eEuAmIM
— ECG SPORTS (@Ecg_Sports) September 19, 2021