Lideri anti-taleban i Panjshir punëson lobistë amerikanë për mbështetje ushtarake nga SHBA
Ahmad Massoud, lideri i një grupimi anti-taleban në luginën Panjshir të Afganistanit, ka punësuar lobistë amerikanë të Distriktit të Columbia. Talibanët javën e kaluar thanë se e pushtuan Luginën Panjshir, por grupimi i Massoud e hodhi poshtë këtë pohim dhe u zotua se do të vazhdojë luftën.
Ahmad Massoud ka punësuar lobistët Robert Stryk dhe Christian Bourge, me përojë në përfaqësimin e klientëve me autoritet në Uashington, në përpjekje për të vazhduar marrjen e mbështetjes ushtarake dhe financiare nga SHBA.
Sipas të dhënave të reja në Databazën e Aktit të Regjistrimit të Agjentëve të Huaj të Departamentit të Drejtësisë (FARA), firma e Stryk dhe Bourge “Stryk Global Diplomacy", do të ofrojë shërbime këshillimore strategjike dhe do të kryejë detyra shtesë mbi një bazë të dakordësuar" për të paktën 6 muaj.
Dokumentet i referohen Massoud si "Djali i Luanit të Panshirit", një referencë për babanë e Massoud, Ahmad Shah Massoud, një luftëtar legjendar muxhahidin i cili ndihmoi në dëbimin e sovjetikëve nga vendi në vitet 1980.
NEW FARA filings reveal contract b/w Afghan resistance leader Ahmad Massoud and DC lobbyists Robert Stryk and Christian Bourge
— bryan metzger (@metzgov) September 16, 2021
they're providing "strategic advisory services" and potentially "additional duties" to the "son of the Lion of Panshir"https://t.co/Xx6KP45ZGo pic.twitter.com/SN6Micnwq0
Ali Nazary, një zëdhënës i "Frontit Kombëtar të Rezistencës së Afganistanit" të Massoud, i tha New York Times se kontrata e lobimit është një përpjekje për të ndaluar çdo njohje të mundshme nga amerikanët të talebanëve dhe për të promovuar interesat e vetë Massoud si një udhëheqës aspirues i vendit. "Asnjë entitet nuk mund të marrë legjitimitet pa mbështetjen, miratimin e shkëlqesisë së tij Ahmad Massoud, sepse ai është burimi i legjitimitetit sot," tha ai.
"Ne po i kërkojmë Shteteve të Bashkuara të ofrojnë mbështetje materiale për përpjekjet tona, që do të përfshinte edhe dërgimin e armëve ofensive," tha ai.
Stryk ka një histori të gjatë të përfaqësimit të militantëve dhe autoriteteve duke përfshirë një zyrtar nga administrata e Presidentit të Venezuelës Nicolas Maduro dhe qeverisë së ish -Presidentit të Kongos, Joseph Kabila.
Kohët e fundit, firma e tij u pagua 4 milionë dollarë nga biznesmeni libanezo-amerikan George Nader për të lobuar pranë administratës Trump për t'i dhënë faljen, sepse u dënua me 10 vjet burg vitin e kaluar për pornografi të fëmijëve dhe akuza për trafik seksual.
Massoud gjithashtu ka mbështetjen e disa republikanëve në Uashington, përfshirë senatorin Lindsey Graham, i cili thuhet se ka organizuar takime midis grupit të rezistencës së Massoud dhe diplomatëve nga Britania e Madhe dhe India.