Supersfida Dinamo - Laçi, hap javën e dytë të Superiores

Java e dytë e Kategorisë Superiore nis ditën e sotme me sfidën Dinamo – Laçi, ku premtohet mjaft spektakël.

“Blutë” u kthyen me fitore në elitën e futbollit shqiptar, teksa mposhtën me rezultatin e pastër 2-0 Kastriotin, dhe në këtë takim do të tentojnë të konfirmojnë ecurinë pozitive.

Megjithatë, kryeqytetasit nuk do ta kenë aspak të lehtë pasi përballë kanë një kundërshtar mjaft të fortë, të cilët në këtë takim dëshirojnë fitoren për të lënë pas krahëve humbjen ndaj Vllaznisë në javën e parë.