Desh i vuri flakën Pallatit mbretëror, bashkëpunëtori i Lady Dianës zbulon detaje që askush nuk i dinte

Sot mbushen plot 24 vjet nga ndarja e parakohshme nga jeta e lady Dianës, princeshës më të dashur e më të përfolur të të gjitha kohërave.

Shtypi britanik, vijon edhe sot nga lajmet e shumta për jetën e saj, teoritë konspirative një vdekjeje të organizuar, pa harruar të përmendim edhe detajet që ndoshta nuk i dinim më parë për të.

Ish-shefi i saj i kuzhinës, Darren Mc Grady, në një video të publikuar në kanalin në “Youtube”, ka rrëfyer marrëdhënien speciale që kishte me të duke zbuluar edhe disa të pathëna për të, si për shembull që nuk ia thoshte fare për kuzhinë.

Ai ka treguar se lady Dianës, i pëlqente të zbriste në kuzhinë dhe të fliste me të për serialet e preferuara, si dhe të provonte të gatuante vetë ndonjë gjë.

“Gatuaja nga e hëna në të premte për të. Ia lija ushqimet gati edhe për fundjavën. Stafi kujdesej që t’ia ngrohte dhe t’ia shërbente ku ajo dëshironte. Një herë mbaj mend që më tha se donte të gatuante një pjatë makarona, por u përhumb në diskutimet e vazhdueshme me Charles dhe një pjesë e kuzhinës në Buckingham Palace mori flakë, aq sa u desh ndërhyrja e zjarrfikësve për ta shuar”, tregon ndër të tjera ai.