Roy Keane i shqetësuar: Shpresoj që Ronaldo të mos e ketë parë ndeshjen, pasi në të kundërt do hiqte dorë nga United

Futbollisti legjendar i Manchester United Roy Keane nuk ishte i kënaqur me ndeshjen e ekipit të tij të zemrës kundër Wolverhampton.

Roy Keane është i njohur për faktin se nuk i kursen kritikat, dhe si komentues i Sky Sports, u shpreh se shpreson që Ronaldo të mos e ketë parë ndeshjen, pasi do të hiqte dorë nga ardhja në “Old Trafford”.

Pavarësisht fitores 1-0 të United, Keane nuk ishte i kënaqur. Wolverhampton luajti shkëlqyeshëm, dhe portieri David De Gea shpëtoi ekipin e tij me ndërhyrje të mrekullueshme.

"Shqetësimi im i vetëm për momentin është nëse Ronaldo po e shikonte këtë ndeshje. Shpresoj që “jo” sepse do të hiqte dorë nga kontrata. Nuk është mirë kështu," tha Keane në një transmetim të drejtpërdrejtë.

Classic Roy Keane

“I hope Ronaldos not watching because he might pull out of the deal” pic.twitter.com/BIZCPFtOTx

— Nigel Mayes (@mickymaguire) August 29, 2021

Futbollisti i famshëm i United dha një krahasim tjetër interesant.

"Lojtarët dukeshin sikur kishin luajtur diku në Europë disa ditë më parë. Ishte sikur të ishin diku në Rusi dhe u kthyen të enjten në mëngjes," shtoi irlandezi.

Kujtojmë, Ronaldo u kthye zyrtarisht tek Manchester United të shtunën pas 12 vitesh që kaloi duke luajtur për Real Madridin dhe Juventusin.