Bashkëpunimi i Arilena Arës dhe Dafina Zeqirit e ka tashmë një datë publikimi
Arilena Ara duket se e ka gati albumin e saj të parë të karrierës, ku ka treguar se në të ndodhen të gjitha ngjyrat që jetojnë brenda saj.
Ai do të vijë me titullin “POP ART’, dhe fansat e këngëtares mezi presin që ai të publikohet.
Ajo ka zbuluar se në album janë të realizuara 13 këngë dhe mes tyre është dhe bashkëpunimi me artisten e njohur shqiptare, Dafina Zeqiri.
Dy vajzat kanë bashkuar forcat për të sjellë një duet, i cili duket se nuk do të vonojë shumë për publikun.
Arilena, ka publikuar një fotografi në rrjetet sociale dhe shkruan “Thirre”, ndërsa nga ana tjetër Dafina i komenton “Më mirë shko”, pjesë këto nga projekti i saj më i ri muzikor.
“Thirr policinë” tanimë e ka një datë publikimi!
Kënga po vjen shumë shpejt dhe na duhet dhe vetëm një javë nga publikimi i projektit muzikor të super artisteve, të cilat e dhanë lajmin me një foto tepër të veçantë.