Vrau me thikë bashkëjetuesen, shqiptari pranon fajin
Një 42-vjeçar shqiptar, rezident në Itali, ka pranuar dje gjatë marrjes në pyetje në burgun e Pavias se ka vrarë me thikë bashkëjetuesen e tij.
Alfred Kipe u arrestua më 7 shkurt nga karabinierët e San Donatos pasi ishte i dyshuar si autor i vrasjes së një gruaje, me të cilën bashkëjetonte, në rrethrrotullimin e rrugës midis San Giuliano Milanese dhe Melegnano.
Ajo gjeti vdekjen pasi u godit pesë herë me thikë në këmbë e shpinë.
Dje Kipe ka pranuar fajin, duke treguar se e vrau bashkëjetuesen e tij pas një grindjeje me të për shkaqe xhelozie.