Nuk ka më dyshime! Adele konfirmon lidhjen e saj të re të dashurisë

Para disa ditësh, këngëtarja e njohur Adele u shfaq në finalen e madhe të ‘NBA’ në krahët e Rich Paul dhe menjëherë nisën dyshime për një romacë të mundshme mes tyre.

Të dy ata u ulën pranë njëri-tjetrin në daljen e madhe publike që u konsiderua shumë e rrallë për dyshen.

Një nga reporterët e “ESPN” gjatë një emisioni u shpreh se Adele është e dashura e Rich Paul.

"Rich Paul sjell të dashurën e tij në ndeshje dhe ulet afër LeBron. E dashura e tij është Adele. Rich Paul është në ndeshje me Adele… Kjo është hera e parë që ata shfaqen bashkë në publik. Kështu që kjo do të jetë në të gjitha tabloidet, veçanërisht në Angli ditën e nesërme” -u shpreh Windhorst mjaft i bindur për lidhjen e dyshes.

Së fundmi, këtë romancë tashmë e ka kofrirmuar edhe çifti vetë, pasi ata janë fotografuar së bashku gjatë një takimi romantik me një çift tjetër në New York.

Rich Paul shihet duke i hedhur dorën rreth shpatullave Adele dhe duket se të dy e kanë shijuar në maksimum këtë takim.