Nga planet e dasmës te jeta në Itali, Iliri dhe Gilberta i thonë të gjitha

Pak javë më parë Iliri dhe Gilberta dolën çift nga “Përputhen”, ndërsa ishin të ftuar në emisionin “ABC e Pasdites” për të folur rreth lidhjes së tyre, e cila po shkon për bukuri.

Moderatori Ermal Peçi i pyeti nëse është dasma në planet e tyre. “Do vijë edhe dasma në kohën e duhur, ne njëherë po njihemi mirë me njëri-tjetrin”, tha Gilberta, përgjigjja e së cilës u mbështet nga Iliri.

Iliri tha se po mendon një jetë në Itali për ata të dy, ndërsa partnerja u shpreh se është gati të krijojë një faqe të re. 

''E reja filloi që më hyrjen në tv, kështu që dhe do vazhdoj mesa po shikoj. Ndryshimet do vazhdojnë. Çdo kush kur nis një lidhje të re, krijoj një faqe të re”, tha ajo.

Gilberta shtoi se e mendon jetën me Ilirin derisa vdekja t’i ndajë.