Itali/ 1,010 raste të reja dhe 14 viktima nga Covid-19
Italia ka regjistruar 1,010 të infektuar me koronavirus nga 177,977 testime të kryera në 24 orët e fundit.
Gjithashtu si pasojë e virusit humbën jetën edhe 14 qytetarë.
Një ditë më parë, nga 192,424 teste u konfirmuan 907 raste pozitive. Kurse, totali i viktimave që nga fillimi i pandemisë në vend shkon në 127.718. Shkalla e pozitivitetit qëndroi në 0.6%, ndërsa të shëruarit janë 1,735.
Në njësitë e kujdesit intensiv u shtruan për kujdes shëndetësor 180 pacientë (-7 krahasuar me një ditë më parë), ndërsa shtrimet në spital në pavijonet e tjera Covid janë 1,234 (-37).
Që nga fillimi i pandemisë Italia ka regjistruar rreth 4,3 milionë raste pozitive, prej të cilave 4 milionë janë shëruar.