Flet kapiteni i Spanjës, Busquets: Ja mënyra si do ta mundim Italinë!

Sot në orën 21:00, Italia do të përballet me Spanjën në ndeshjen e vlefshme për gjysmëfinalen e Kampionatit Europian.

Dy Kombëtaret duan vetëm fitore në mënyrë që të kualifikohen në finalen e madhe. Në prag të ndeshjes ka folur edhe kapiteni i Spanjës, Sergio Busquets i cili u shpreh i sigurt për fitoren e skuadrës së tij.

“Ideja e lojës ishte e njëjtë gjatë gjithë Kampionatit Evropian, në disa ndeshje ne ishim thjesht më të shkëlqyeshëm dhe ideja është gjithmonë e njëjtë: dominon ndeshjen, mbaj topin, rifitoje atë sa më shpejt që të jetë e mundur.

Tani do të duhet të jemi solid në të dy zonat, deri më tani kemi merituar të kalojme nëpër raunde sepse ne ishim më të mirë se kundërshtarët tanë “.

Dobësitë e Italisë dhe si luftohen ato? “Do të jetë e rëndësishme të ruajmë ritmin tonë mbrojtës, i cili mesatarisht është më i lartë se ekipet e tjera. Ne do të përpiqemi të rimarrim topin dhe të shtypim fort për të siguruar që Italia ta ketë topin sa më pak të jetë e mundur. Ata gjithashtu duan zotërimin sepse kanë lojtarët e mirë me topin midis këmbëve të tyre, mendoj për Jorginho, Verratti ose Insigne”, tha Busqets.

Luis Enrique? “Ne jemi me fat që e kemi atë këtu, ai po zhvillon dhe vazhdon idenë e tij të lojës me grupin e tij të lojtarëve, ka ambicie të mëdha dhe kjo mund të shihet në fushë”.