Ja kush është njeriu me më shumë ndikim në tregjet financiare
Kërkimet e fundit zbulojnë se gati dy të tretat e investitorëve amerikanë e konsiderojnë Elon Musk si figurën më me ndikim në tregjet financiare sot.
Më konkretisht, një sondazh i kryer nga Investing.com dhe që përfshin 1,103 investitorë amerikanë tregoi se 63% e të anketuarve mbështesin fuqimisht CEO-n e Teslës si njeriu që bën komandimin e tregjeve financiare.
Për më tepër, shumica e investitorëve (52%) janë pro miratimit të politikave nga shteti që synon të kufizojë fuqinë e emrave dhe lojtarëve të mëdhenj në industri, siç është Musk, kur bëhet fjalë për trajtimin e tregjeve financiare.
Kohët e fundit Musk ka pasur një ndikim të dukshëm në bitcoin dhe kriptovalutat e tjera.
Edhe pse është e vështirë të identifikosh arsyet prapa lëvizjeve të kriptos, bitcoin shpesh lëviz kur Elon Musk bën postime në Tweet-er në lidhje me të.
Sipas sondazhit, postimet e miliarderit për ndikimin në mjedis të bitcoin i shtynë disa investitorë të shesin monedhat e tyre.
38% e investitorëve të anketuar thanë se nuk ishin të shqetësuar për ndikimin mjedisor të bitcoin derisa Elon Musk shkroi në Twitter.
Ndërkohë, 30% e atyre të anketuar që ishin investitorë të bitcoin i shitën ato muajin e kaluar.
Megjithatë, 84% nuk ??ishin dakord me deklaratën se e ardhmja e bitcoin varet nga Musk.
Investitorët gjithashtu u dukën kryesisht të ndarë për sa seriozisht t'i merrnin postimet e Musk.
33% i konsiderojnë postimet e tij të kriptovalutave "të bezdisshme", 27% i konsiderojnë "argëtuese" dhe 22% i përshkruajnë ato si "të padrejta", ndërsa 28% thanë se janë indiferentë për këtë çështje./businessinsider.in