Italia në shok: Spinazzola mbyll Europianin nga dëmtimi i rëndë, ja sa pritet të qëndrojë jashtë fushave
Mbrojtësi i majtë i ekipit kombëtar italian, Leonardo Spinazzola, u dëmtua rëndë në ndeshjen çerekfinale të Kampionatit Evropian kundër Belgjikës, dhe sipas mediave në Itali, 28 vjeçari do të qëndrojë për rreth 6 muaj jashtë fushave.
“Sky Sports” raporton se futbollisti i Romës ka dëmtuar tendinën dhe Europiani për të është mbyllur përfundimisht. Spinazzola u nxorr nga fusha me barelë në pjesën e dytë dhe sigurisht që do të jetë një mungesë e madhe për azurrët që i duhet të bëjnë pa një prej lojtarëve më të dalluar në këtë Europian deri më tani.
Ai u dëmtua në minutën e 76-të teksa po përpiqej të kalonte kundërshtarin e tij në krahun e majtë. Spinazzola menjëherë u transferua me ambulancë në një spital në Mynih.
Futbollistët e Kombëtares italiane për t’i dhënë mbështetje shokut të tyre kënduan në kor emrin e tij gjatë rrugës për në hotel.
?? Este es el homenaje de los compañeros de Spinazzola, que se perderá la semifinal por lesión ??
— Post United (@postutd) July 3, 2021
¿Crees que es insustituible en Italia? ? pic.twitter.com/NPd0eS7Bc5
Kujtojmë që Italia triumfoi kundër Belgjikës me rezultatin 2: 1 dhe kaloi në gjysmëfinalet e EURO 2020 ku do të luaj ndaj Spanjës. Golat për Azzurre u shënuan nga Barella dhe Insigne.