Kapet bullgari në Shkup, i dënuar 14 vjet burg për përdhunim

Në Shkup, policia e Maqedonisë së Veriut, gjatë ditës së djeshme ka arrestuar 63 vjeçarin nga Bullgaria, i cili është kërkuar me fletarrest nga Interpoli në Sofje.

Sipas njoftimit të MPB-së, ai është dënuar me 14 vite burg për përdhunim.

“Më 29.06.2021 në ora 12:00 në Qendër, zyrtarët policorë nga Sektori për Bashkëpunim Policor Ndërkombëtar dhe SPB Shkup kanë arrestuar P.I.M (63) nga Bullgaria, i cili është kërkuar me fletarrest ndërkombëtar nga Interpoli në Sofje.

Ai është dënuar me burgim prej 14 viteve për veprën penale përdhunim dhe ndodhet në listën e kriminelëve më të kërkuar në Interpol”, thuhet në njoftimin e MPB-së.

Gjykatësi në procedurë paraprake i caktoi paraburgim në afat prej 30 ditëve në burgun e Shkupit.