VIDEO/ Ben Blushi kallëzohet në SPAK nga prokurori: Po më bën presion
Prokurori i Prokurorisë së Tiranës, Ervin Karanxha ka kallëzuar në SPAK drejtorin e televizionit Top Channel, Ben Blushi dhe anëtaren e KPK-së, Valbona Sanxhaktarin.
Sipas padisë së siguruar nga Ora News, Karanxha akuzon Top Channel për shantazh për shkak ushtrimit të detyrës dhe për shkak se motra e tij, Anila Karanxha, në cilësinë e gjyqëtares kishte rrëzuar pretendimet e televizionit në një çështje civile.
“Eshtë krijuar kjo bindje pasi asnjë televizion ose media kombetare nuk mund të prodhojë lajme dhe kronika ne edicionin qendror te lajmeve për shkarkimin e një prokurori, pa u publikuar raporti përfundimtar i Komisionit të Pavarur të Kualifikimit,” shkruhet në padi.
Ai pretendon se anëtarja e KPK-së, Valbona Sanxhaktari, i ka furnizuar Top Channel-it informacione konfidenciale të procesit të vettingut, para se ai vetë të vihej në dijeni.
Karanxha aludon edhe se anëtarja e KPK-së gjendet në konflikt interesi kundrejt tij, për shkak të njohjes së hershme me Blushin, që nga koha kur të dy punonin në Ministrinë e Arsimit në vitin 2001. Po ashtu ai pretendon se Sanxhaktari ka njohje të ngushtë me drejtorin e Digitalb-it, Alban Jahon.
Ndërkohë, prokurori akuzon Blushin për ndikim të paligjshëm ndaj personave me funksion publik si dhe kanosje.
Në padi ai kërkon që hetimi ndaj Blushit të kryhet nga SPAK, pasi pretendon se gjatë kohës që ka qenë deputet ka përfituar prona në mënyrë të paligjshme.