VIDEO/ Pepe i tregoi krahun se nga do të gjuante Benzema, por portieri nuk e dëgjoi

Portugezët barazuan 2-2 me Francën në grupin F në Kampioantin Europian, përfunduan fazën e grupeve në vendin e tretë, me Cristiano Ronaldon që shënoi dy gola për kampionët aktualë të europës.

Mirëpo, Portugalia mund ta kishte fituar ndeshjen ndaj francezëve nëse Rui Patrico të dëgjonte këshillën e mbrojtësit veteran Pepe. Sfida ishte mjaft e luftuar dhe e mbizotëruar nga penalltitë, sepse tri prej katër golave u shënuan nga njëmbëdhjetëmetërshi.

Të dy kombëtaret e siguruan kualifikimin në mesin e më të mira në Euro 2020 pas këtij barazimi.

Pepe, i cili e njeh Benzeman nga koha kur luajti përkrah tij në Real Madrid, u përpoq ta paralajmërojë Rui Patricion se në cilin krah do të gjuajë sulmuesi francez nga pika e bardhë, por portieri nuk ia vuri veshin dhe u mposht.

Momento extraordinário num jogo ordinário: Pepe frustrado com Patrício (que fez uma grande exibição!) por não confiar nele. Poderia Benzema ter mudado a tendência, mas neste exercício compensa confiar em quem conhece o batedor. pic.twitter.com/QV6lkvZwNd

— Blessing Lumueno (@BlessingMSL) June 23, 2021

Pepe e dinte shumë mirë, pasi Benzema gjuajti pikërisht në krahun që ai i tha, por i padëgjueshmi Patrico u hodh në krahun e kundërt.

Franca do të përballet me Zvicrën në 1/8 e finales, ndërsa Portugalia me Belgjikën.

Në rast se i kalojnë kundërshtarët e tyre përkatës në 1/8 e finales dhe në çerekfinale, Franca dhe Portugalia do të përballen sërish në gjysmëfinale.