VIDEO/ Plazhi i Velipojës pa roje bregdetare, Pushuesi: Duhet të merren masa
Numri i pushuesve sa vjen e rritet në Velipojë, sidomos gjatë fundjavës por shqetësim mbetet mungesa e rojeve bregdetare. Në të gjithë gjatësinë e plazhit prej 11 km, kullat e vrojtimit pavarësisht se janë të vendosura nuk kanë roje.
Nga Syri Tv
Plazhi i Velipojës ndonëse është nje nga plazhet më të preferuar për shtetasit shqiptarë, kosovar dhe turistët e huaj , ky bregdet nuk i ofron siguri pushuesve.
Syri Tv bëri një vëzhgim në këtë plazh, ku konstatoi se kullat e vrojtimit ekzistojnë por nuk janë të paisur me roje bregdetare.
Edhe pse sezoni turistik ka nisur dhe ky plazh po frekuentohet , nuk është marrë asnjë masë për sigurimin e këtyre rojeve bregdetare.
Të Intervistuar nga Syri TV, pushuesit tregojnë se ndihen të pasigurtë dhe duhet një zgjidhje sa më shpejt për zgjidhjen e këtij problem.
Kujtojmë që në fillim të këtij sezoni turistik, dy shtetas nga kosova u mbytën në Velipojë, por duket se as këto fatkeqësi nuk sollën reagimin e autoriteteve përkatëse për zgjidhjen e këtij problem jetik.