Gazetari i shkruan ambasadorit Lu: Të tregoj si u skualifikua për vettingun avokati me karrierë brilante
Gazetari Armir Shkurti i është drejtuar me një letre ambasadorit amerikan në Shqipëri, Donald Lu, pasi sipas tij, avokati shqiptar Genci Bilali që ka aplikuar për komisionet e Vettingut, me një karrierë brilante është skualifikuar me një hile të vogël.
“Uroj që avokati nga Nju Jorku ta marrë me buzagaz këtë aventurë shqiptare e të mos ju ndjekë në rrugë ligjore Ju, që i bëtë thirrje zyrtare por nuk i dolët garant, qoftë edhe me një deklaratë a protestë pas skualifikimit të tij”, i thotë Lu-së, Shkurti.
Letra e gazetarit:
“I nderuar ambasador i Shteteve të Bashkuara të Amerikës.
Në fillim të muajit shkurt ju i bëtë thirrje, citoj; “shqiptarëve patriotë, të kualifikuar, që të aplikojnë për të shërbyer në Komisionet e Vettingut”
Thirrja është bërë si në shqip ashtu edhe në anglisht dhe mban emrin tuaj në të , si titullari i institucionit dhe njëkohësisht autoriteti më i lartë i SHBA në vendin tonë.
Njëri ndër shqiptarët patriotë që ju besoi JUVE dhe thirrjes tuaj është edhe Genci Bilali, një avokat me emër në Nju Jork. Natyrisht ai është shtetas amerikan dhe beson se ambasadori i vendit të tij, kudo që të jetë, është garant për çka deklaron a ofron.
Ky Genci, përveç një karriere brilante aty, në Shtetet e Bashkuara të Amerikës, ka edhe një cv brilante arsimi, në shkollat më të mira të vendit Tuaj. Ai është diplomuar në The University of Edinburgh School of Laë Doctor of Philosophy (Ph.D.), Banking, Corporate, Finance, and Securities Laë, Fordham University School of Laë Master of Laës (LLM), Banking, Corporate, Finance, and Securities Laë, Georgetoën University Laë Center, International Laë Institute Diploma, Debt Management Course, University of Tirana School of Laë Bachelor’s Degree, Laë Degree (Juris Doctor)…..por E KANË SKUALIFIKUAR!
I nderuar ambasadori Lu.
Avokatin shqiptaro-amerikan, Genci Bilali, me shkollim e kualifikim në shkollat më të mira të vendit tuaj e kanë skualifikuar se nuk përmbush kriterin e ….arsimit?!?!?!?!
Ky doktor në jurisprudencë, avokat në SHBA nuk plotëson kriteret e arsimit në Shqipëri? Në fakt ka ndodhur në hile e “vockël” këtu në Shqipëri. Ligjërisht diplomat e huaja duhet të konvertohen në Ministrinë e Arsimit. Por nga 4 shkurti kur Ju lëshuar thirrjen, koha qe tepër e shkurtër që avokati Genci Bilali të linte vendin e tij dhe biznesin e tij, të vinte e të niste proçedurat e t’i mbaronte fët e fët.
Uroj që avokati nga Nju Jorku ta marrë me buzagaz këtë aventurë shqiptare e të mos ju ndjekë në rrugë ligjore Ju, që i bëtë thirrje zyrtare por nuk i dolët garant, qoftë edhe me një deklaratë a protestë pas skualifikimit të tij, duke i lënë zyrtarisht në CV në fakt një njollë, si një konkurent i skualifikuar nga një garë, në një vend të Europës, për mungesë arsimi”.