VIDEO/ Kalimtarët ndihmojnë oficeren e policisë së San Francisko tek po e sulmonin
Disa kalimtarë të rastit nxituan të ndihmonin një oficere policie në San Franciskos që po sulmohej të premten, tha Departamenti i Policisë së San Franciskos pas videos së incidentit.
Oficerja, e cila nuk u emërua, por që policia e identifikoi si një femër aziatike, po i përgjigjej një telefonate rreth një personi që kërcënonte.
Kur oficerja arriti, ajo kontaktoi me burrin e dyshuar dhe po përpiqej ta ndalonte kur ai e sulmoi atë, sipas videos së mbikëqyrjes që Shoqata e Oficerëve të Policisë së San Franciskos që thotë se filmoi incidentin.
Në video, i dyshuari në fillim duket se po zbaton komandat e oficeres për t'u kthyer dhe për të vendosur duart pas koke. Po pastaj burri shihet duke e kapur oficerin në shpatullë dhe fillon një përleshje midis të dyve. Brenda pak sekondave, ai e vë poshtë dhe e përplas në tokë.
Disa sekonda më vonë, të paktën katër civilë hyjnë në skenën e përleshjes dhe bërtasin, "ik prej saj". Videoja tregon se ata përpiqen ta çlirojnë oficeren e policisë duke e shkelmuar burrin, duke e tërhequr derisa e hedhin në tokë. Rreth një minutë pasi filloi incidenti, oficerë të tjerë mbërrijnë në vendngjarje dhe e vënë poshtë burrin.
Incidenti vjen ndërsa sulmet verbale dhe fizike kundër aziatiko-amerikanëve, veçanërisht grave, janë rritur në vitin e kaluar. Kishte të paktën 2,410 incidente anti-aziatike të urrejtjes në tre muajt e parë të këtij viti, sipas një raporti të lëshuar nga Stop AAPI Hate në maj.