Enada Hoxha flet për projektin e ri që bën bashkë baletin dhe trashëgiminë kulturore
Ditën e sotme në ‘Kafe Shqeto’ në Syri Tv ishte e futar balerina Enada Hoxha.
Ajo foli për projektin e saj më të ri, një projekt që gërsheton bukur baletin dhe trashëgiminë kulturore shqiptare.
“Pandemia na ndikoi në jetë, nuk ishte e thjeshtë për ambiciet tona të rrinim më gjatë se një vit pa bërë asgjë...", tregoi Enada.
E ndërsa në lidhje me projektin e ri që pritet të vijë së shpejti, ajo u shpreh:
"Në Dhjetor, kemi bërë pesë video ku prezantojmë Tiranën dhe në vazhdimësi do të promovojmë zonat e UNESCO-s.
Jemi mësuar të shohim zona të ndryshme të Shqipërisë por ne kemi menduar ta sjellim ndryshe. Muzikën këtë radhë e kemi zgjedhur të luajtur me Dj.
Kemi zgjedhur dhe muzikën italiane pasi prej kohësh ambasada italiane ka përkrahur turizmin në Gjirkosatër.
Kemi përzgjedhur Gjirokastrën e xhiruar ditën dhe natën, pasi ai është një qytet që vizitohet çdo ditë e më shumë nga turistët”, tha Enada.
Enada tregoi se xhirimet i kanë zhvilluar në 4 zona mjaft të veçanta të Gjirokastrës.
E pyetur se kur do të jenë në treg videot e plota, ajo u përgjigj se me datë 28 Maj ato do të jenë të aksesueshme edhe në Youtube.
Ajo gjithashtu tregoi ku e gjen vullnetin për të sjellë gjithmonë gjëra të reja, teksa pohoi se motivohet nga koha, e cila ikën dhe ajo si një artiste tregoi se nuk mund të rrijë në vend-numëro: Koha më ka bërë të hulumtoj dhe të di se çfarë duhet të bëj, unë jam gjithmonë në kërkim të punës, por dhe jam e rrethuar me njerëz shumë produktivë.