Sezoni i mbjelljes së kanabisit, tre të arrestuar dhe një në kërkim, sekuestrohen fara

Tre persona kanë rënë në pranga dhe një i katërt është shpallur në kërkim për kultivim kanabisi.

Në Fier u arrestuan në flagrancë F. S., 25 vjeç dhe V. Sh., 27 vjeç, të dy banues në Sheq Marinas, pasi janë kapur nga shërbimet e Policisë, duke kultivuar në kubikë fidanë cannabis sativa, në pyllin e fshatit Seman. Gjithashtu për këtë rast është shpallur në kërkim edhe një tjetër bashkëpunëtor, shtetasi E. M.

Në Mallakastër u arrestua në flagrancë shtetasi G. H., 35 vjeç, banues në Vlosh, Roskovec, i cili u kap në flagrancë në fshatin Lofkënd duke transportuar në automjetin e tij tip "Toyota Rav 4", fidanë narkotikë të mbjellë në kubikë, një sasi tub uji dhe rrjetë teli.

Gjithashtu, gjatë kontrollit në banesën e këtij shtetasi janë gjetur dhe sekuestruar në cilësinë e provës materiale 192 fara si ato të bimëve narkotike, si dhe kubikë me fidanë narkotikë cannabis sativa.