Rusi/ Parada madhështore e fitores mbi nazi-fashizmin

Rusia organizoi paradën madhështore, duke shfaqur forcën e saj ushtarake.

Mbi 12.000 forca ushtarake tokësore dhe ajrore, me rreth 190 artikuj të pajisjeve ushtarake dhe 76 aeroplanë e helikopterë, pushtuan Sheshin e Kuq të Moskës ditën e sotme, duke shënuar 75-vjetorin e fitores ndaj nazi-fashizmit.

Tensionet e shtuara me Perëndimin dhe fqinjin e saj Ukrainën, e cila akuzon Rusinë se ka instaluar forcat e saj ushtarake në kufi, nuk e ndaloi Rusinë të zhvillonte këtë paradë.

Vladimir Putin, veteranët e luftës dhe të ftuarit e tjerë e ndoqën paradën nga stenda qendrore në Sheshin e Kuq.