Basha kryeson ndaj Ramës, qytetarët besojnë se PD do ta fusë Shqipërinë në BE

Kompania “Smith Research & Consulting” nga Izraeli ka realizuar një sondazh për zgjedhjet në Shqipëri që do të mbahen me 25 prill.

Sipas këtij sondazhi, Partia Demokratike në krye me Lulzim Basha po prin para Edi Ramës, shkruan Indeksonline.

Basha, sipas sondazhit, ka 46.1 përqind të votave, kurse Edi Rama 42.4 përqind.

Lëvizja Socialiste për Integrim në krye me Monika Kryemadhi ka 10.4 përqind.

Gjatë sondazhit janë bërë edhe pyetje tjera. 56.4 përqind e të pyeturve besojnë se Lulzim Basha do ta fusë Shqipërinë në BE, ndërsa vetëm 43.6 përqind mendojnë se Edi Rama do ta realizojë këtë.

52.5 përqind besojnë që Lulzim Basha do të ishte kryeministër më i mirë për Shqipërinë.

56.2 përqind mendojnë që Shqipëria ka nevojë për një ndryshim të ri.