25 prilli, Celibashi: Në këto qarqe, përfundon sot shpërndarja e materialeve zgjedhore

Kreu i Komisionit Qendror të Zgjedhjeve, Ilirjan Celibashi nëpërmjet një statusi në rrjetin social “Facebook” njofton se ditën e sotme përfundon shpërndarja e materialeve zgjedhore në qarqet Vlorë, Shkodër, Dibër, Gjirokastër, Korçë, Kukës, Fier dhe Berat.

Ai gjithashtu thotë se nesër do të vijojë shpërndarja në qarqet Tiranë, Elbasan, Durrës dhe Lezhë.

Reagimi:

Sot, përfundon shpërndarja e materialeve zgjedhore për qarqet Vlorë, Shkodër, Dibër, Gjirokastër, Korçë, Kukës, Fier dhe Berat.

Nesër do të shpërndahen materialet zgjedhore në qarqet Tiranë, Elbasan, Durrës dhe Lezhë.

Në çdo QV do të ketë shabllonë (për Fletën e Votimit) në alfabetin braille për votuesit që nuk shikojnë.