Uefa miraton reformat e reja të Champions League, nga 32 në 36 skuadra

Përgjigja e Uefa ndaj Superligës së sapo krijuar nuk vonoi të vinte . Në takimin e Montreux, komiteti ekzekutiv votoi njëzëri për formatin e ri të Champions League , i cili nga 2024 do të rritet nga 32 në 36 skuadra.

Çfarë i pret Kampionët e rinj?

Një grup i vetëm, një lloj mini-kampionati në 10 ndeshje: 5 për të luajtur në shtëpi dhe 5 për të luajtur jashtë, gjithmonë me kundërshtarë të ndryshëm. 8 ekipet me më shumë pikë do të kalonin në raundin e 16-të ndërsa ato të klasifikuara midis vendit të 9-të dhe 24-të do të garonin në play-off për 8 vendet e mbetura.