Autobusi përplaset me kamionin, 21 të vdekur në Egjipt

Një aksident tragjik ka bërë që 21 persona të humbasin jetën pas një aksidenti të rëndë të ndodhur në Egjiptin Jugor. Viktimat po udhëtonin me një autobus, i cili po tentonte të parakalonte një kamion në autostradë. Mes të vdekurve ishin edhe dy shoferët, ndërkohë, kanë mbetur të plagosur tre të tjerë.
Zyra e prokurorit publik të vendit tha se rruga ishte duke u rikonstruktuar dhe se nuk kishte drita ose shenja të trafikut.

Egjipti ka një rekord të dobët të sigurisë në transport. Aksidentet shkaktohen kryesisht nga shpejtësia, rrugët e këqija ose zbatimi i dobët i ligjeve të trafikut.