Trajneri i Legia-s: Muçi është ambjentuar në skuadër, por duhet...

Më 23 shkurt 2021, Ernest Muçi u transferua nga Tirana për tek Legia e Varshëvës në Poloni. Pavarësisht se trajneri i Legias, Czeslav Miçnieviç thuri elozhe për futbollistin shqiptar, ky i fundit ende nuk ka fituar minuta në këmbë.

Tekniku Miçnieviç, është shprehur se Muçi duhet të jetë i durueshëm, pasi edhe moment i tij do të vijë.

Në konferencë për mediat, tekniku polak, është shprehur se Muçi po ambientohet pak nga pak, duke shtuar më tej se po e njeh më mirë skuadrën dhe thotë se bën shumë shaka me shokët e skuadrës.

“Muçi duhet të presë shansin e tij, të vazhdojë të punojë shumë. Ka qenë për dy javë me ekipin kombëtar dhe nuk ka qenë me ne. Ka munguar me ekipin për këto dy javë. Do vijë edhe momenti i tij, sepse është një futbollist i ri. Duke e parë atë çdo ditë në stërvitje, e shikoj që ai tani është më lirshëm me shokët e skuadrës, flet më kollaj, bën shaka shumë, e njeh secilin lojtar në emër dhe në pseudonim. Sigurisht që ne do e ndihmojmë atë. Ai do të jetë gati, do të marrë më shumë minuta në vazhdim. Jam i bindur që do rritet me ekipin tonë, por duhet të jetë i durueshëm.”, tha Miçnieviç