Në mision për të shpëtuar nxënësit e rrëmbyer, zhduket në mënyrë misterioze avioni ushtarak

Forca ajrore nigeriane thotë se ende nuk është përcaktuar vendndodhja avionit ushtarak që u zhduk nga radari të mërkurën në mbrëmje pranë Borno.

Një zëdhënës i forcës ajrore nigeriane, tha të enjten pasdite se avioni luftarak ishte vendosur për të siguruar mbështetje ajrore për trupat tokësore, të cilët ishin nën zjarr nga luftëtarët e Boko Haram para se të humbte kontakti me radarin.

“Ende nuk e dimë nëse ka pasur ndonjë përplasje, mbetemi me shpresën se pilotët do të jenë akoma gjallë dhe jemi shumë optimistë për këtë, por për momentin nuk mund të themi se çfarë ka ndodhur me aeroplanin,”, tha komandati ajror Edward Gabkwet.

“Ne kishim dy avionë të tjerë brenda afërsisë, kështu që është e çuditshme për ne që u zhduk.”, tha ai.

Avioni u zhduk nga radari rreth orës 5:08 të mëngjesit të mërkurën, në një zonë 80 km larg shtetit Borno.

Incidenti erdhi pak më shumë se një muaj pasi një aeroplan që i përkiste forcës ajrore nigeriane u rrëzua pas ngritjes nga Abuja, duke vrarë të gjithë në bord.