Akrobatja shqiptare flet për kërcënimet që i erdhën nga serbët pas performancës në Kosovë
Ditën e sotme në emisionin e mëngjesit ‘Kafe Shqeto’ në Syri Tv, ishte e ftuar akrobatja e njohur shqiptare Fiona Rushiti.
Fiona foli për një nga sfidat e saj, lidhja dhe hedhja nga një nga urat më të larta në Shqipëri, ura e Bushtricës.
Fiona tregoi se mori nismën për tu hedhur nga ura e Bushtricës e lartë 50 metra, e bëri në mënyrë që këtë hedhje ta pasojë, me një hedhje tjetër nga një urë akoma më e lartë, ajo e Vashës.
E pyetur për masat e sigurisë që merren në këto raste ajo tregoi:
"Unë jam trajnuar për këto perofrmanca dhe kam dy profesionistë alpinistë që merren me gjithçka. Kurse në vinç e kam më të lehtë."
Ndër të tjera, Fiona foli për nje performancë në Kosovë, në ditën e pavarësisë , teksa tregoi se bashkoi dy flamujtë me mesazhin se jemi një komb.
"Pas një muaji, ato u kujtuan se unë isha një akrobate shqipatre, dhe filluan komentet e serbëve që më ofendonin dhe shanin."
Fiona paralajmëroi gjithashtu se do t’ju kthejë shumë shpejt dhe një përgjigje.
Akrobatja shqiptare flet për kërcënimet që i erdhën nga serbët pas performancës në Kosovë