VIDEO VIRALE/ Vajza ra pa ndjenja, qeni hidhet dhe i shpëton jetën

Haley Moore, teksa po nxirrte për shëtitje qenin në lagjen “Stittsville”, në Kanada, papritur pësoi një krizë.

Përreth saj nuk ndodhej askush përveç qenit, i cili u hodh menjëherë në veprim.

Së pari, kontrolloi Haleyn, e më pas duke parë nëse po kalonte ndonjë makinë.

Qenushi Clover, ndaloi automjetin e parë që kaloi në mënyrë që shoferi të ndihmonte vajzën e rënë pa ndjenja.

Dryden Oatway, menjëherë zbriti nga makina për të ndihmuar dhe mbeti i impresionuar dhe veprimet e qenit.

“Qenushi, në fakt më bllokoi rrugën, ajo disi u kthye në rrugë për të bllokuar kamionin tim.”, tha ai.

Haley, ndodhet në spital duke marrë trajtimin e nevojshëm, edhe pse ende nuk është gjetur çfarë e shkaktoi krizën, por thotë se nëse do të ndodhë përsëri, Clover do jetë aty për ta mbrojtur.

“Ndihem 10 herë më e sigurtë kur e di që ajo do të jetë aty për mua”, tha ajo.