EMRI+FOTO/ E infektuar me COVID-19, humb jetën infermierja
Një lajmi i rëndë sot sërish për bluzat e bardha,
Infermierja Fatime Poçi nga Librazhdi ka humbur betejën me Covid-19 duke u ndarë kështu nga jeta.
Lajmin e kanë bërë publik “Urdhri i Infermierit shqiptar”. Mësohet se infermierja ishte e shtruar prej një muaj tek “Shefqet Ndroqi”, ndërsa prej dy ditësh ishte futur në intubim për shkak se covid-19 kishte përkeqësuar shëndetin e saj.
“Me hidhërim të thellë njoftojmë ndarjen nga jeta të koleges sonë të nderuar Znj. Fatime Poçi, 57 vjeçe prekur nga Covid-19.
Ndarja nga jeta e znj. Poçi, është një humbje e madhe për familjarët, miqtë, kolegët dhe gjithë ata që e njihnin dhe patën fatin të punonin me të, me nje eksperiencë disavjeçare në profilin e infermieristikës pranë Drejtorisë së Shëndetit Publik në Librazhd dhe pranë Qëndrës Shëndetësore nr.4 në Tiranë.
Në emër të të gjithë kolegëve Urdhri i Infermierit të Shqipërisë i shpreh ngushëllimet e sinqerta familjarëve, miqve, kolegëve dhe gjithë të dashurve të saj për këtë humbje të pazëvendësueshme.”