Rama: Nuk jam njeriu i duhur për ndërmjetësimin e dialogut Kosovë-Serbi

Ditën e sotme, në drekën e punës që presidenti francez, Emanuelle Macron konsumoi me kryeministrin Edi Rama është diskutuar edhe për dialogun e Serbisë dhe Kosovës.

Këtë pjesë të takimit e ka bërë të ditur vetë Rama. I pyetur nëser do të jetë ndërmjetës mes Kosovës dhe Serbisë për të përafruar qëndrimet e tyre, Rama tha:

“Nuk jam njeriu i duhur për të ndërmjetësuar midis Kosovës dhe Serbisë, sepse unë jam palë dhe si palë, unë mbroj detyrimisht interesat e Shqipërisë dhe të Kosovës bashkë. Ky është një proces ku u takon udhëheqësve në Kosovë të çojnë përpara dialogun, ashtu siç ato e mendojnë të arsyeshme. Nartyrisht, me gjithë mbështetjen time dhe të qeverisë, sot dhe nesër, në Tiranë, natyrisht në momente të caktuara mund të kemi qasje të ndryshme për si të arrijme tek qëllimi, por qëllimi është absolutisht i njëjtë dhe unë jam palë.”