VIDEO/ Fitorja e parë në Bolivi, Armando Sadiku i afrohet golit me këtë gjuajtje të fortë
Armando Sadiku i ka shkuar shumë afër golit me Bolivarin, në ndeshjen e parë të kampionatit në Bolivi, por ka hasur një pritje spektakolare të portierit kundërshtar.
Bolivari ka mposhtur minimalisht Real Potosin, falë një goli të Leandro Ramos në minutën e 40-të.
Sadiku provon me një gjuajtje të fortë nga jashtë zone në minutën e 70-të, ku u duk se topi do të ndalej në rrjetë.
Megjithatë ishte portieri Rubio Lopez, i cili i mohon golin shqiptarit, duke e dërguar topin në goditje këndi.
Kjo është ndeshja e parë e Sadikut në kampionat me Bolivarin, me të cilët u bashkua në merkaton e janarit.
Menjëherë gjuajtja e Sadikut është shpërndarë me shpejtësi në rrjetet sociale.