‘Gjuhë urrejtjeje me etiketime seksiste ndaj zonjave’/ Këlliçi-Ramës: Turp për Shqipërinë! Ke marrë fund
Kryetari i FRPD-së Belind Këlliçi ka dënuar degradimin e Ramës ditën e sotme, i cili shpërtheu në gjuhë urrejtjeje dhe poshtërimi, me etiketime seksiste kundër zonjave kundërshtare politike të tij.
Këlliçi e ka quajtur një turp të madh për politikëbërjen në Shqipëri dhe imazhin e vendit tonë, sjelljen e sotme të Ramës.
‘Kultura e Bullizmit në fushatën e Ramës sot ka qenë e turpshme. Sjellje të tilla dënohen në të gjithë botën dhe nuk janë pjesë e ligjërimit publik. Por mesa duket ky je ti dhe kaq di të bësh’, shkruan Këlliçi në Facebook.
Postimi i plotë i Belind Këlliçit:
Fjalët e Edi Ramës sot janë një turp i madh për politikëbërjen në Shqipëri dhe imazhin e vendit tonë.
E papranueshme që kryeministri të degradojë në gjuhë urrejtjeje dhe poshtërimi, me etiketime seksiste kundër zonjave kundërshtare politike të tij. E gjitha kjo vetëm dy ditë pas 8 marsit.
As fotot që kishe zgjedhur e as fjalori i rrugës nuk të bëjnë dot burrë, e më i trishtueshëm është fakti që sjellje të tillë e bëje përpara grave.
Kultura e Bullizmit në fushatën e Ramës sot ka qenë e turpshme. Sjellje të tilla dënohen në të gjithë botën dhe nuk janë pjesë e ligjërimit publik. Por mesa duket ky je ti dhe kaq di të bësh.
Ke marrë fund.