Arbana Osmani humb njeriun e shtrenjtë: Kam qenë me fat...
Arbana Osmani zbuloi mbrëmjen e djeshme se një ndër personat e saj më të shtrenjtë, gjyshi kishte ndërruat jetë.
Në një postim në rrjete sociale, moderatorja shkroi:
“Ma puth fort nanën o gjysh, ah sa do më marrë malli për ju”, shoqëruar me një foto të çiftit të të moshuarve.
Arbana ka publikuar një surprizë të këndshme që ka marrë një vit më parë nga partneri i saj, Eduart Grishaj dhe stafi i “Dua të të bëj të lumtur” për gjyshërit e saj, ndërsa ka shkruar dhe disa fjalë prekëse për të ndjerin që ka ndërruar jetë.
Arbana shkruan se gjyshi i saj u largua nga kjo jetë një vit pas nënës, duke lënë pas shembullin e një dashuri si në përralla.
‘’Kam qenë me fat që i kam patur kaq gjatë në jetën time, por gjithsesi humbja e tyre më ka thyer zemrën. Sot iku gjyshi, fiks një vit pas nanës, duke na lënë pas kujtimet, historikun, debulesën për patatet e skuqura dhe shembullin e një dashurie si në përralla. Dhe këtë surprizë të bukur, të paharrueshme, më të veçantën ndonjëherë për të cilën do të të jem mirënjohëse ty @eduartgrishaj dhe stafit tim te Duas.”, ka shkruar ajo.