Ndërron jetë nga Covidi pedagogu 37-vjeçar në Gjirokastër

Mëngjesin e sotëm është ndarë nga jeta si pasojë e infektimit me Covid-19, pedagogu i Universitetit Eqerem Çabej në Gjirokastër, Luis Seiti rreth 37 vjeç.

Prej ditësh Seiti po merrte mjekim në ambientet e shtëpisë së tij, ndërsa mëngjesin e sotëm ka ndërruar jetë. Para 3 ditësh ai kishte përfunduar karantinën, ndërkohë ishin prekur edhe prindërit e tij.

Burime bëjnë me dije se Luis Seiti nuk vuante nga asnjë sëmundje shoqëruese.