Vietnami shkrihet gazit me Ambasadorin amerikan: bën këngë rep dhe e interpreton vetë rrugëve
Ambasadori amerikan në Vietnam ka regjistruar një këngë rep origjinale bashkë me videon dhe e ka publikuar përpara Tetit, vitit të ri hënor, duke rrezikuar ta tallin, e pashmangshme kjo përderisa po shfaqet si "djali nga Hanoi".
"Unë jam nga Nebraska. Nuk jam djalë nga qytet i madh, ” thotë me këngë Dan Kritenbrink, në faqen zyrtare të Fb të Ambasadës së SHBA në Hanoi. "Pastaj tre vjet më parë u transferova në Hanoi."
Ai vazhdon më tej të pijë çaj, të shëtisë rrugëve me një shoqërues, reperin vietnamez që ka figurë të mirë, Wowy dhe të hedhë sytë nëpër një fletë letre që duket se përmban tekstin e këngës.
Kritenbrink ka qenë ambasador i SHBA në vend që nga viti 2017. Ai ka shërbyer gjithashtu si drejtor i lartë për çështjet aziatike në Këshillin e Sigurisë Kombëtare.
Fjalët e këngës, një përzierje e anglishtes dhe vietnamezishtes, i bëjnë thirrje vietnamezëve që "të bëhen gati për të festuar nga Hà Giang deri në Cà Mau" dhe madje, del edhe me një furçë për të pastruar, ku vazhdon recitimin "Pastro shtëpinë tani, se miqtë janë rrugës."
Kritenbrink shpreh gjithashtu entuziazmin e tij për “cà phê sua dá”, një kafe e ftohtë e ëmbël me qumësht të kondensuar - "jo kapuçino" dhe për festimet e vitit të ri, të cilat ai i quan "kulmi".
US ambassador to Vietnam Dan Kritenbrink just released this rap song to wish everyone in Vietnam a Happy Lunar New Year.????The full original video can be found on the Facebook of US Embassy in Hanoi. pic.twitter.com/ERAi9SJDAf
— Khang Vu (@KhangXVu) February 8, 2021
Një përdorues i Twitter e quajti këngën "plotësisht një dhunim ndaj artit të repit" por pranoi që Kritenbrink "duket i sinqertë". "Po supozoj se është qëllimisht e tmerrshme", shkroi një tjetër, megjithëse ai pranoi se vetë nuk e njihte repin.
Komentuesit në Facebook ishin më të butë, duke e quajtur këngën "të lezetshme", "super të lezetshme" dhe "shumë të lezetshme".
Ndërkohë, Vietnami e ka mbajtur koronavirusin e tij nën fre, në 1850 raste dhe 35 vdekje - falë testimit masiv të synuar dhe masave të rrepta të karantinës, festimet e vitit të ri janë prekur nga pandemia.
Vietnami o mbylli shkollat në 22 provinca përpara festës hënore të vitit të ri dhe e përfundoi një kongres të Partisë Komuniste më shpejt të hënën, pas zbulimit të një grupi të ri të rasteve të koronavirusit në zonat veriore javën e kaluar.